Me vendim të Qeverisë së Republikës së Kosovës dhe Ministrisë së Shëndetësisë, bazuar në rekomandimet e IKSHPK-së, vendi ka dy ditë që është i bllokuar, pas rritjes dramatike të numrit të rasteve me koronavirus.
Kjo masë do të jetë e zbatueshme deri të hënën në mëngjes në orën 05:00. Qeveria mori vendim që 6 komuna të futen në karantinë, një nga to edhe Prishtina, si qyteti me numrin më të madh të rasteve.
Njësitet e Policisë së Kosovës kanë përdorur të gjitha kapacitetet e plota profesionale, për të monitoruar gjendjen, dhe për të zbatuar vendimet e Qeverisë.
Edhe në këto orë të mbrëmjes, qetësia po mbretëron në Prishtinë. Ka shumë pak lëvizje të njerëzve dhe pak makina.
