Qeveria e Maqedonisë së Veriut, në mbledhjen e sotme, pas rritjes së numrit të rasteve me COVID-19, dhe të atyre të vdekjes, me qëllim të parandalimit dhe të organizimit të të gjitha institucioneve të vendit, vendosi për shpalljen e gjendjes së krizës për 30 ditë, për shkak të situatës së pandemisë.
Vendimi pritet të hyjë në fuqi nga dita e shtunë dhe do të implementohet pas propozimit të Komitetit për menaxhim me kriza dhe bazuar në gjendjen eskaluese me të sëmurë dhe viktima nga koronavirusi.
Rekomandimi i këtij trupi erdhi pas mbledhjes së Këshillit për siguri tek presidenti Pendarovsski. Gjendje e krizës domethënë se Qeveria ka në dispozicion njerëzit e ushtrisë, ndërmarrjet publike komunale, por edhe kapacitetet e spitaleve private, nëse paraqitet nevoja kur nuk mund të strehojnë të sëmurët spitalet e shtetit.
