Shkruan: Sali Rexhaj
Nuk duhet bërë teatër me mënyrën e arrestimit të akuzuarve për krime të luftës nga prokuroria e Gjykatës Speciale.
Duhet ta kemi parasysh se krimet e luftës janë veprat me të rënda penale dhe nuk mund të presim se i thërrasin te akuzuarit në telefon si për të pirë kafe në ndonjë restorant.
Ata që i dërgojnë ftesat, jetojnë në Evropë dhe nga dokumentet e akuzat qe i kanë para, nuk kanë mundësi që të veprojnë ndryshe, pos të dërgojnë atje policë të përgatitur e të armatosur mirë dhe në numër aq sa ka nevojë që të kryhet arrestimi, pa u rrezikuar jeta e askujt.
Pastaj duhet pasur parasysh propagandën që po zhvillohet në Kosovë kundër Speciales dhe tentimi për ta penguar punën e tyre. Kjo vetëm sa ua keqëson gjendjen të akuzuarve.
