Kryeministri Avdullah Hoti ka reaguar pas disa deklarimeve të Ramush Haradinajt, i cili ka thënë se ka qenë gabim shuarja e Task-Forcës Antikorrupsion, që e bëri ditë më parë Qeveria e Kosovës. Hoti është shprehur se Qeveria e tij e ka për qëllim që ta kthejë ligjshmërinë dhe kushtetutshmërinë në vend.
“Politika nuk duhet të përzihet në drejtësi. Këtë e kemi bërë me vendimet që kemi marrë në këta muaj të qeverisjes. Drejtësia duhet ta bëjë punën sipas ligjit, e jo sipas vendimeve të Qeverisë. Kthimi i ligjshmërisë dhe i kushtetutshmërisë në vend duhet të jetë angazhim i të gjithëve”, ka potencuar Hoti.
Ai në një shkrim në Facebook ka shkruar se Qeveria është e vendosur për të fuqizuar shtetin ligjor.
“Siguria juridike garantohet vetëm duke respektuar Kushtetutën, ligjet dhe institucionet shtetërore”, ka shtuar Hoti.
