Ministria e Shëndetësisë e Maqedonisë së Veriut njofton se gjatë 24 orëve të fundit janë regjistruar 428 raste të reja nga koronavirusi i ri (COVID-19) me ç’rast numri i rasteve ka arritur në 23.628, transmeton Anadolu Agency (AA).
Po ashtu Msh-ja bëri të ditur se kanë humbur jetën 10 persona si pasojë e COVID-19, me çka numri i përgjithshëm i viktimave në vend ka shkuar në 834.
Instituti i Shëndetit Publik sot regjistroi 128 pacientë të tjerë të shëruar nga COVID-19, duke e çuar në 17.239 numrin e përgjithshëm të pacientëve të shëruar nga ky virus në vend, ndërsa aktualisht numri i rasteve aktive me koronavirus është 5.555.
Ministria e Shëndetësisë informon se në 24 orët e fundit janë kryer 1.853 teste të dyshuara për COVID-19, ndërsa deri më tani janë kryer gjithsej 221.011 teste.
