Një aksident trafiku mes një treni dhe një veture ka ndodhur në lagjen “Përroi i Njelmët” në Prishtinë.
Agron Borovci, zëdhënës i Policisë në rajonin e Prishtinës për KALLXO.com ka thënë se si pasojë e këtij aksidenti kanë mbetur të lënduar katër persona.
“Rreth orës 16:00 kemi pranuar informatën për një aksident trafiku në lagjen Përroi i njelmët në Prishtinë. Në këtë aksident ka qenë i perfshirë një tren dhe një veturë. Si pasojë e akidentit, lëndime trupore kanë pësuar 4 persona,” ka thënë Borovci.
Tutje, sipas Borovcit, personat e lënduar janë dërguar për tretman mjekësor, ndërkohë që me rastin po merret njësiti i trafikut rrugor.
