Plisi e ka frymëzuar piktorin Eduart Karajn për ta hedhur në pikturë. Për të plisi është simbol i identitetit kombëtar shqiptar. Arsyeja që ai prej vitesh merret me plisin është kjo.
“Ndoshta është një lidhje letrare, filozofike me gjyshërit. Plisi është shumë i vjetër. Është një tregues edhe vizual, por tregon edhe madhështinë e një malësori. Tregon një karakter burrëror, por edhe legjendar”, thotë ai. Ky simbol i lashtë i mbajtur nga shqiptarët , vjen me një impresionizëm ngjyrash prej piktorit
“Unë jam shumë i dashuruar me plisin. Kam dëshirë edhe ta mitizoj”, shprehet piktori.
Krahas portreteve imagjinar, nuk mungojnë edhe figurat historike. “Ky është një portret i Sulejman Vokshit, është hedhur në formë ekspresive. Besoj që lidhet pak me traditën”, thekson Karaj.
Punimet e tij u prezantuan ne sheshin “Shtraus”, ku tërhoqën vëmendjen e kalimtarëve të kryeqytetit. /abcnews.al
