Papa Françesku ka uruar Presidentin e sapozgjedhur të SHBA Joe Biden, i cili kur të bëjë betimin do të bëhet presidenti i dytë katolik pas John F. Kennedy, njoftoi të enjten ekipi i Bidenir.
“Presidenti i zgjedhur Joe Biden foli me Papa Françeskun këtë mëngjes. Ai e falënderoi atë për bekimin dhe urimet”, thanw nga ekipi i Bidenit.
Demokrati tha se ai donte të “punonte me Papën, bazuar në një besim të përbashkët në dinjitetin dhe barazinë e njerëzimi,t në çështje të tilla si kujdesi për të margjinalizuarit dhe të varfrit, kriza e ndryshimit të klimës dhe pranimi dhe integrimi i migrantëve dhe refugjatëve në komunitetet tona”, thuhej në deklaratë.
Joe Biden, i cili është me origjinë Irlandeze, është arsimuar në një Shkollë Katolike, merr pjesë në meshë, në një kishë të vogël në qytetin e tij të Wilmington, Delaware, pothuajse çdo javë.
Fitorja e tij, e njoftuar të shtunën, nuk është pranuar ende nga kundërshtari i tij, republikani Donald Trump, i cili pretendon se Biden u zgjodh duke vjedhur fletët e votimit.
