Kryeministri i Kosovës, Avdullah Hoti, ka bërë me dije se pakoja e re e Qeverisë për rimëkëmbje ekonomike për 2021 do të ketë vlerën e 182 milionë eurove. Ndëkaq, gjatë muajit tetor janë ndarë 87 mln euro, prej të cilave 60 mln i janë ndarë komunitetit të biznesit,ka njoftuar ai nëpërmjet një postimi në Facebook.
Postimi i plotë i kryeminstrit Hoti:
Pako e re prej 182 mil eurove, për rimëkëmbje ekonomike!
Përkundër situatës sfiduese në kohën që po përballemi me pandeminë Covid-19, megjithatë kemi siguruar funksionimin e shumicës së bizneseve.
Gjatë muajit tetor janë ndarë 87 milionë Euro, prej të cilave 60 milionë u janë ndarë komunitetit të biznesit, duke u ndihmuar atyre që të qëndrojnë në treg.
Sot, në takim virtual me anëtarët e Këshillit Kombëtar për Ekonomi dhe Investime në Kosovë, i cili ndërlidh aktivitetet e Qeverisë dhe adreson sfidat e sektorit privat, kam kërkuar që anëtarët e këtij këshilli të dakordohen për pakon e re për rimëkëmbje ekonomike për vitin 2021, në shumë prej 182 milion euro, si dhe për një listë të reformave për një pako të re fiskale, të cilat pritet të finalizohen në fillim të vitit të ardhshëm.
