Takimin e parë zyrtar, bashkë me Zëvendëskryeministrin e parë të Republikës së Kosovës, Z.Besnik Tahiri, shefja e diplomacisë kosovare do ta ketë me kryeministrin e Republikës së Kroacisë, z. Andrej Plenkovic.
Ministrja e Punëve të Jashtme dhe Diasporës, Meliza Haradinaj-Stublla, udhëtoi sot për vizitë zyrtare në Republikën e Kroacisë.
Gjatë kësaj vizite, Ministrja Haradinaj-Stublla, do të realizojë takime të nivelit të lartë, në të cilat do të diskutohet për intensifikimin e bashkëpunimit dhe lidhjes së fortë që ekziston ndërmjet Kosovës dhe Kroacisë.
Takimin e parë zyrtar, bashkë me Zëvendëskryeministrin e parë të Republikës së Kosovës, Z.Besnik Tahiri, shefja e diplomacisë kosovare do ta ketë me kryeministrin e Republikës së Kroacisë, z. Andrej Plenkovic.
Pritet që ta takoj ministri i Punëve të Jashtme i Kroacisë, Z.Grlic Radman.
Para nisjes për vizitë zyrtare në Kroaci, ministrja Haradinaj-Stublla, bëri këtë deklaratë:
“Kroacia dhe Kosova ndajnë historinë e hidhur të rrugëtimit për liri dhe pavarësi. Kanë pasur përjetime të njëjta si vende dhe popuj. Edhe sot, përderisa Kosova po përballet me qasje revizioniste të vuajtjeve dhe historisë së saj, ka shumëçka për të mësuar nga Kroacia si vend dhe popull fitimtar ndaj luftës në Ish-Jugosllavi, e tash si shembull i mirë në rajon për integrimin Euro-Atlantik”.
