Autokolona e Presidentit Donald Tramp përshëndet qindra mbështetës të tij që u mblodhën në Uashington, D.C., për të mbështetur pretendimet e tij se e ka mundur Xho Bajdenin në zgjedhjet e javës së kaluar. Mbështetësit e tij shihen duke valëvitur flamur ndërkaq dhjetëra të tjerë të entuziazmuar nga paraqitja e tij e shkurtë filluan të vraponin pas autokolonës.
Protesta po mbahet nën motot Marshimi milionësh për MAGA, Marshimi për Trampin si dhe Stop Vjedhjes, parullë e përdorur enkas për të vënë në qendër të vëmendjes pretendimet se demokratët kanë zbatuar një mashtrim të gjërë të votave për të fituar.
Grupe të majta kanë filluar kundër-demonstrimet në Uashington dhe qytete të tjera. Deri më tash raportohet vetëm për incidente të veçuara, ku individë nga kampe kundërshtare janë përleshur para se të ndërhynte policia.
