Çoroditjen fatale në jetën e shqiptarëve e ka sjellë niveli i ulët moral i partive politike. Vite më parë, në një intervistë kam përmendur thënien e të vjetërve se partitë politike, kur nuk merren vesh me njëra- tjetrën, janë me keq se murtaja. Atëherë ishte viti 1991 dhe ndonëse e pata këtë drojë, nuk e besoja se ajo do të vinte vërtetë.
Përçarja po bëhet murtaja e shqiptarëve. Në këto ditë, klasa politike në Shqipëri, me gjithë tragjedinë e Kosovës, vazhdon, për turpin e saj, të jetë e përçarë. Shtypi shqiptar, i përcjell shpesh me mendjelehtësi ngjarjet e Kosovës. Një pjesë e shtypit të Kosovës nga ana e tij, me të njëjtën mendjelehtësi lëshon fjalë të zeza kundër Shqipërisë.
Me sa përgjegjësi shkruhet ” Shqipëria u shit”.”Shqipëria u bë koloni e Greqisë”. etj.etj. Kur këto gazeta lëshojnë zezona të tilla, a nuk mendojnë se thyejnë moralisht popullin e Kosovës? Të thyesh moralin e një populli që ndodhet në luftë do të thotë t’i futësh thikën në shpinë.
Fragment nga libri: ” Unaza në kthetra”
Loading…