Bashkatdhetarët tanë që erdhën për festat e fundvitit po kthehen në shtetet nga kanë ardhur, mirëpo po ballafaqohen me pritje të gjata në kufirin Kosovë-Serbi, në Merdar. Në këtë kufi ka kolona të gjata automjetesh të bashkatdhetarëve, andaj pritjet e tyre janë më shumë se dy orë.
Po ashtu kolona të gjata ka edhe në pikën tjetër të kalimit kufitar Kosovë-Serbi, te Dheu i Bardhë, ku pritja është një orë e gjysmë, ndërsa në atë të Muçibabës rreth gjysmë ore.
Sipas të dhënave të Qendrës Kombëtare të Menaxhimit Kufitar, rreth orës 15 e 15 minuta, në pikat e tjera kufitare nuk ka kolona të gjata.
