Avokatja iraniane për të drejtat e njeriut dhe fituesja e “Nobelit alternativ” Nasrin Sotoudeh është kthyer në burg në Iran përpara ceremonisë së dhënies së çmimit të enjten, thanë organizatorët.
Fondacioni për të Drejtën e Jetesës, i cili po e jep çmimin, tha se ishte “tronditur nga lajmi” që Nasrin Sotoudeh u kthye në burgun ku është duke i kryer më shumë se 30 vjet burgim.
Sotoudeh, fituesja e parë e Çmimit për të Drejtën e Jetesës, u lirua përkohësisht nga burgu më 7 nëntor, ku e kontraktoi koronavirusin, tha fondacioni.
“Autoritetet iraniane kanë treguar me lëvizjen e tyre të fundit se do të bëjnë gjithçka për të hedhur poshtë të drejtën legjitime të Sotoudeh për të punuar për një shoqëri më të drejtë”, tha drejtori i fondacionit Ole von Uexkull.
Sotoudeh është ndër fituesit e “Nobelit alternativë” për vitin 2020 dhe çmimet do të jepen të enjten në një ceremoni në internet në Stokholm. Jutarnji List
