Sipas një njoftimi dhe sipas rekomandimit të IKSHP-së, në gjimnazin “Xhevdet Doda”, në Prishtinë, nga e hëna, më 2 nëntor, nga mësimi i rregullt kalohet në mësimin online, i cili do të organizohet në këtë mënyrë deri më datën 6 nëntor.
Njoftimi i plotë:
Nga nesër më dt. 02/11/2020 sipas rekomandimeve nga IKSHPK kalojmë në mësim nga distanca (online).
Orari për aplikime të zhvillimit të mësimit është orari zyrtar i datës 14.09.2020 ( kur ka filluar viti i ri shkollor).
Për mësimdhënësit mësimi online organizohet nga shtëpia nga dt.02.11.2020 deri më dt.06.11.2020, sepse jemi në fazën finale të rregullimit të internetit në çdo klasë dhe shpresojmë që nga dt.09/11/2020 që të gjitha klasat do të pajisen me internet dhe mësimdhënësit kthehen nga shkolla për mbajtjen e mësimit.
Ora zgjat 30 minuta sipas rekomandimeve të MASH.
Mbesim fuqishëm të përkushtuar që të ndjekim ritmin e filluar dhe të përmbushim obligimet që kemi.
Ruajeni shëndetin!
