Pas sulmin terrorist në Vjenë, ishte konfirmuar se Kujtim Fejzullahu ishte njëri nga personat që mori pjesë në këtë sulm. Ai ishte me prejardhje nga Çellopeku i Tetovës dhe ishte 20 vjeçar.
Prejardhjen e tij e kishte konfirmuar edhe Ministri i Brendshëm në Austri, Karl Nehammer, i cili ka thënë se sulmuesi i vrarë në Vjenë është një 20-vjeçar me shtetësi të dyfishtë, të Austrisë dhe Maqedonisë së Veriut.
Mësohet se Kujtimi kishte lëvizur viteve të fundit në Kosovë dhe Maqedoni të Veriut dhe ka pasur marrëdhënie të fuqishme me radikalistët në Bosnjë dhe Serbi.
Përmes një bisede të siguruar nga InDoks mes dy personave që kanë pasur lidhje me Kujtimin, mësohet se ky i fundit ka qenë grumbullues i mjeteve financiare tek qytetarët myslimanë në Austri për t’i ndihmuar aktivitetet radikale në Kosovë dhe Maqedoni të Veriut:
“A pe sheh s po nalen qafirat”.
“Ni vlla n austri sante sedi qka u ba me te”.
“Po i joni a”?
“ I Maqedonijes qaj qe i qojke paret me i dhan hogjs”.
Deri tash dihet pak për lidhjet terroristit Kujtim Fejzullahu. Dhe, nëse i njëjti ka pasur edhe lidhje me ekstremisë në Kosovë. InDoks ka siguruar informacione që kishte kontakt me së paku një person në Kosovë, që i kishte kërkuar Fejzullahut që ta lidhte me një familjar të tij në ISIS i cili ishte në burg duke vuajtur dënimin.
Këto informacione, që janë edhe biseda me ekstremistë të tjerë që njiheshin me të e përshkruajnë Fejzullahun si ai djali që “na jepte para për t’ ia dërguar hoxhës”, por pa e zbuluar se cilit imam.
A ishte hoxha i panjohur i vetmi që merrte pare nga terroristët, apo ka edhe të tjerë që duhet t’i zbuloj shërbimi ynë sekret në bashkëpunim më shërbimet sekrete perëndimore.
