Kryetari i komunës së Preshevës, Shqiprim Arifi, ka thënë se sivjet nuk do të ketë dekorime për festat e fundvitit: Krishtlindje e Vitin e Ri. Ai ka thënë se mjetet e dedikuara për këtë punë do të shkojnë në një drejtim tjetër.
“Kemi vendosur që këtë vit mos të dekorohet qyteti si vitet e tjera dhe mjetet e parapara për dekorimin e qytetit për festën e Vitit të Ri t’ua dedikojmë fëmijëve jetim dhe nënave vetëmbajtëse, ku do t’i sigurojmë pako ushqimore dhe higjienike”, tha ai.
Por ky është vetëm arsyetim me hile, thonë në Preshevë, sepse i pari i qytetit po e merr model botën islamike, ku nuk festohen Krishtlindja dhe Viti i Ri.
Me fëmijët jetim dhe nënave vetëmbajtëse, e ka zënë peng qytetin, sepse këto pako ushqimore dhe higjienike, do t’ua siguronte çdo shoqatë humanitare dhe biznesi i qytetit, sikurse edhe vjet e parvjet.
Nuk është vetëm Presheva peng i shoqatave islamike, është edhe Skënderaj, ndërsa në Mitrovicë, bizneset e zbukuruan qytetin, sepse kryetari, sipas islamit ishte kundër zbukurimeve. Pastaj traditen vehabiste e ndjekiun Peja, Vushtria…
