Vjosa Osmani konfirmoi se është duke biseduar me Albin Kurtin për koalicionin e ri për zgjedhjet e reja parlamentare, kurdo që të mbahen ato. “Jemi në proces të diskutimeve me z. Kurtin për bashkëpunimin, dhe nuk do të ishte e drejtë që të flasë pa pasur një marrëveshje finale”, ka thënë Osmani në një intervistë për Rtv 21.
Në fund të 2006-s, Fatmir Sejdiu u zgjodh kryetar pas dhunës fizike në Kuvend. Nexhat Daci që e synonte partinë, por mbeti jashtë vendosi të themelojë parti të re politike (LDD). Në zgjedhjet e para pas formimit, në vitin 2007 LDD-ja arriti të hyjë në Kuvend me 9 deputetë. Por, kaq fuqi kishte kjo parti – vetëm një mandat. Pas moskalimit të pragut në zgjedhjet e radhës, kjo parti nisi shuarjen e ngadalshme.
Ndarja në mes të Vjosa Osmanit dhe LDK-së ishte paqësore, megjithëse pati shumë akuza e kudërakuza në mes saj e Isa Mustafës, të parit të LDK-së. Fërkimet u manifestuan shumë edhe në seancat kuvendare.
A do të ketë më shumë fat Vjosa Osmani se sa Nexhat Daci, apo do të shuhet pas një mandati, mbetet të shihet.
