Pas një deklarate të pamatur dhe skandaloze të Miroslav Lajçakut, të bërë gjatë vizitës së tij në Beograd, ku tha se duhet të bëhet ndryshimi i Kushtetutës së Kosovës, për ta formuar Asociacionin e komunave me shumicë serbe, ka reaguar raportuesja për Kosovën në Parlamentin Evropian, Viola Von Cramon. Ajo ka thënë se nuk pajtohet me deklaratën e emisarit të BE-së, Miroslav Lajçak.
Von Cramon ka shkruar në Twitter se nuk pajtohet me qëndrimin e Lajçakut, duke thënë se ndryshimi i Kushtetutës së Kosovës nuk dërgon askund.
“As unë nuk pajtohem me lëvizjen e fundit të Miroslav Lajçakut. Nuk mendoj se të flasësh për ndryshim të Kushtetutës së Kosovës na çon diku”, ka shkruar Von Cramon.
