Mjeku Ilir Pecnikaj që është pjesë e Departamentit të Shëndetësisë në Partinë Demokratike ka bërë një denoncim të fortë në studion e emisionit “Opinion” kur deklaroi se më datë 12 tetor në spitalin “Shefqet Ndroqi”, që njihet si COVID2 kanë humbur jetën 12 persona, por Ministria atë ditë ka njoftuar vetëm 5 vdekje.
“Kam faktin që në datën 12 tetor ose në 13, mund të gaboj, vetëm në spitalin “Shefqet Ndroqi” kanë vdekur 12 persona, ndërsa një ditë më vonë në të gjithë Shqipërinë janë raportuar vetëm 5 vdekje. Ne e kemi bërë një thirrje që të hetohet, por zoti Brataj mund të na e shpjegojë tani” – tha Pecnikaj duke nxitur reagimin e kreut të Urgjencës Kombëtare Skënder Brataj.
“Më thuaj emrat e të vdekurve në datën 13. Të të vijë zor se mezi pret katastrofën. Më thuaj një shtet që është menaxhuar mirë. Mos flisni për katastrofë, se i keni tmerruar njerëzit. Prandaj vijnë në spital. Mos t’ua nxjerr me emra” – tha Brataj.
Eksperti i PD akuzoi se ka një mbyllje të shifrave për të mos marrë informacion dhe se njerëzit po u drejtohen spitaleve private. ©LAPSI.al
