Një shofer ka goditur me veturë tri këmbësore në Prizren, që u shkaktoi lëndime tupore. Rasti ka ndodhur pasditen e së shtunës në rrugën “Wesley Clark” në Prizren, ka bërë të ditur Policia e Kosovës në raportin 24 orësh.
Policia gjithashtu ka njoftuar se viktimat janë dërguar për trajtim mjekësor në Spitalin e Prizrenit.
“I dyshuari mashkull kosovar, deri sa ishte duke drejtuar automjetin e tij duke mos iu përshtatur shpejtësisë së lëvizjes me kushtet e rrugës godet tre këmbësore, viktimat kosovare. Viktimat kanë pësuar lëndime trupore dhe të njëjtit janë dërguar për tretman mjekësor në Spitalin e Prizrenit dhe më pas janë liruar për në shtëpi”, thuhet në raportin e Policisë së Kosovës.
