Ministri i Jashtëm fajëson akuzoi hutistët, rebelët jemenas.
Të paktën 26 njerëz u vranë dhe më shumë se 50 u plagosën në shpërthimet e së mërkurës në aeroportin Aden, kryeqyteti i përkohshëm i Jemenit të shkatërruar nga lufta, ku sapo ka mbërritur një qeveri e re e unitetit kombëtar, përfshirë një ministër që fajëson hutistët rebelë për sulmin.
“Këto sulme terroriste nuk do të dekurajojnë një qeveri legjitime,” tha presidenti i Jemenit Abd Rabbo Mansur Hadi, pa përmendur emrin e fajtorit, njoftoi agjencia zyrtare e lajmeve Saba. Por Ministri i Jashtëm Ahmed bin Mubarak akuzoi Hutistët, rebelë jemenas që të ndihmuar nga Irani, filluan ofensivën në kryeqytetin Sanaa në Shtator 2014 dhe pushtuan pjesën më të madhe të vendit, duke shkaktuar një luftë të përgjakshme.
Bazuar në të gjitha informacionet që kemi, “sulmi ndaj qeverisë u krye nga hutistët”, shkroi ai në Tuitter. Siç raportohet nga një reporter i France Presse, të paktën dy shpërthime u dëgjuan kur aeroplani me anëtarët e qeverisë u ul dhe zyrtarët filluan të zbresin nga aeroplani.
Burime mjekësore thanë për AFP se të paktën 26 njerëz u vranë dhe më shumë se 50 u plagosën, thonë raportet e reja. Së pari u dëgjuan shpërthimet dhe të shtënat me armë, dhe pastaj tymi i dendur filloi të ngrihej nga ndërtesa e aeroportit, ndërsa mbeturinat fluturonin përreth, duke shkaktuar panik midis të pranishmëve, tregojnë pamjet e televizionit saudit të Al-Hadatha.
