Mid’hat Abdyl Frashëri
Qindra të rrahur dhe misionari urdhërohet të largohet nga Elbasani.
Boston, 23 shtator — Një shpërthim i dhunshëm i armiqësive kundër një numri shqiptarësh të shquar në qytetin e Elbassanit, në Turqinë perëndimore, të cilët njihen si të lidhur me lëvizjen për përparim në arsim dhe për tolerancë fetare, raportohet në një raport të marrë sot të dërguar nga Pastori Dr. James L. Barton, i bordit amerikan të komisionerëve për misionet e huaja. Kryebeu në qytetin e Didrës, miqësor me amerikanët, është rrahur dhe dënuar me 100 vjet burg. Shtëpia e tij u dogj. Në Elbasan, një redaktor përparimtar, miqësor me misionin amerikan, është dënuar me internim të përjetshëm.
Një kabllogram nga Pastori C. T. Erickson, misionar i bordit amerikan në Elbassan, thotë: “Gjykata ushtarake më ka urdhëruar të largohem përkohësisht nga këtu me familjen time. Ka mundësi që nesër të nisemi për në Manastir.”
Një tjetër raport nga Elbasani thotë se qindra janë rrahur, disa gati për vdekje.
__
Botuar në gazetën The Washington Post, 24 shtator 1910, faqja e parë
