Ky është vendim i njëanshëm, tejkalon kornizën e së drejtës ndërkombëtare,thanë në Moskë, pasi dëgjuan për vendimin e presidentit të ShBA-ve.
Të premten, Moska dënoi vendimin e Presidentit të SHBA Donald Trump për të njohur sovranitetin e Marokut mbi Saharanë Perëndimore, duke vlerësuar se ai shkon plotësisht përtej kornizës së ligjit ndërkombëtar.
“Ajo që kanë bërë amerikanët është vendim i njëanshëm, që shkon plotësisht përtej kornizës së ligjit ndërkombëtar”, tha zëvendësministri i Jashtëm rus Mikhail Bogdanov, raportuan agjencitë e lajmeve RIA Novosti dhe TASS.
Mosmarrëveshja midis Marokut dhe Frontit Polisario ka vazhduar për dekada mbi statusin e Saharasë Perëndimore. Polisario, lëvizja për pavarësinë e Saharasë Perëndimore, po bën thirrje për një referendum mbi vetëvendosjen, ndërsa Maroku, i cili kontrollon më shumë se dy të tretat e territorit të gjerë të shkretëtirës, propozon një plan pavarësie nën sovranitetin e tij.
U njoftua të enjten se Izraeli dhe Maroku, me ndërmjetësimin e Shteteve të Bashkuara, ranë dakord për të normalizuar marrëdhëniet dhe presidenti amerikan ra dakord të njohë sovranitetin e Marokut mbi Saharanë Perëndimore si pjesë e marrëveshjes. Një deklaratë e Shtëpisë së Bardhë tha se Trump përsëriti mbështetjen e tij për propozimin e mbretit Marok për autonomi për rajonin e Saharasë Perëndimore si e vetmja zgjidhje afatgjatë.
