Deputeti i Partisë Demokratike, Tritan Shehu, vlerësoi se me ‘Ballkanin e Hapur’, u tentua të krijohej hegjemonizëm nga Serbia në Ballkan.
“Vërtet ‘Ballkani i Hapur’ u varros, por pasojat do të jenë të gjata”, tha ai për ‘Lajmet e Fundit’ në RTK.
Sipas tij ‘Ballkani i Hapur’ nuk u varros, nga Edi Rama, por nga presioni. Ai tha se projekti i ‘Ballkanit të Hapur, ka bërë dëme Kosovës.
Shehu ka kritikuar qeverinë e Shqipërisë, dhe në këtë rast kreun e qeverisë, Edi Rama, që sipas tij me publikimin e e statutit për ‘Asociacion’, i ka bërë dëme Kosovës.
Deputeti shqiptar tha se Shqipëria duhet të mbështes Kosovën, në fusha të ndryshme dhe nuk duhet të ketë rol paternalist ndaj Kosovës.
