Shkruan: Agron Dalipaj
PËRSE TURQIA FINANCON ALBANOLOGJINË?!
Financimet e Turqisë për albanologjinë janë të dukshme. Shihni në fotografinë më poshtë në murin e godinës së Librit Akademik pranë ASH se si Turqia ka financuar rikonstruktimin e librarisë së ASH. Gjithashtu Turqia ka financuar 80 mijë € edhe për bibliotekën e Akademisë së Studimeve Albanologjike.
Këto financime vetëm sa dëshmojnë se shteti turk është prezent dhe me ndikim në institucionet e identitetit tonë kombëtar për interesat e Turqisë.Ajo që nuk dimë është se sa është vlera që marrin drejtuesit e ASH në Tiranë që historia shqiptarëve të shkruhet si e duan turqit, grekët e serbët…
Ajo që dimë është se Kryetari i ASH, Z. Gjinushi, vërtet nuk ka shkruar asnjë libër shkencor, por duket se ai është garanti politik në krye të ASH për të menaxhuar e harmonizuar interesat e Greqisë, Turqisë e Serbisë dhe këtë punë nuk mund ta bëjë falas…Tymi i punëve të fëlliqta e të ndikuara nga interesat e shteteve fqinje me Shqipërinë do duket kur ASH do botojë HISTORINË E SHQIPËRISË.Ideniteti i kombit shqiptar ka një vlerë kolosale dhe shitja e këtij identiteti bëhet e do bëhet e kontrolluar nga Akademia e Shkencave e Shqipërisë e cila, për të pasur monopolin në shitje, përpiu edhe Akademinë e Studimeve Albanologjike.
Produktet e identitetit kombëtar të shqiptarëve (që shiten në tregun ku blejnë Turqia, Greqia e Serbia) janë historia e tjetërsuar kombit tonë, heronjtë tanë, etniciteti gjuhësor i tjetërsuari i fjalorit të shqipes dhe arkeologjia.Përndryshe, cila logjikë pranon që në krye të ASH të mund të jetë një njeri politik pa asnjë vepër shkencore?!
Brezat e ardhshëm do ta kenë shumë të vështirë të rikthejnë atë që po shitet sot. Të gjithë e dimë se statujat e mermerta të Akropolit të Athinës u blenë me stërlina nga Anglia dhe ato nuk kanë për tu kthyer kurrë në Athinë, megjithëse atyre u njihet origjina. Ndërsa identiteti shqiptar, që po shitet, në fillim i zhdukin origjinën dhe e shesin të çertifikuar e paketuar si mall me identitet grek, serb e turk të gjendur në Shqipëri.Në fillim na heqin identitetin, pastaj na mohojnë atdheun.Pa identitet shqiptar nuk mund të ketë komb shqiptar dhe atdhe të shqiptarëve.Po heshtëm, do e humbim identitetin e bashkë me të ekzistencën tonë.Nëse duam të mbijetojmë si komb, si fillim duhet t’u gjejmë vendin shitësve të identitetit tonë kombëtar…(në fot. godina e Librit Akademik ASH e financuar prej Turqisë).
Maqedonia shqiptare
