in

Murtezaj: Franca s’është kundër Kosovës në Këshillin e Evropës

Ambasadori i Francës në Beograd, Pierre Cochard, gjatë ditës ka deklaruar se aplikimi i Kosovës në Këshillin e Evropës është veprim i njëanshëm.

Në lidhje me këtë deklaratë të tij,profesori i diplomacisë, Valon Murtezaj, tha se kjo nuk duhet kuptuar në mënyrën se Franca është kundër anëtarësimit të Kosovës në Këshillin e Evropës.

“Sa pata mundësi ta shikojë intervistën e ambasadorit francez në Serbi, në një media lokale përkundër insistimit të gazetares që të marrë një përgjigje se si do të votojë Franca, ai u përgjigj se nuk duhet të bëhet një pyetje e tillë sepse procesi i aplikimit tani ka filluar dhe në fakt procesi i anëtarësimit i ka disa faza dhe merr kohë”.

“Deklarimi që ai togfjalëshi “aplikimi i njëanshëm” ishte një gjuhë diplomatike e përgjithshme duke u thirrur në komunikimin dhe dhënien e rëndësisë dialogut. Megjithatë, kjo nuk duhet të kuptohet në asnjë mënyrë se Franca është kundër anëtarësimit të Kosovës në Këshillin e Evropës”, është shprehur Murtezaj në “Info Magazine” në Klan Kosova.

Tutje, ai tha se është detyrë e Kosovës për t’u koordinuar dhe komunikuar me secilin anëtar të Këshillit të Evropës, nga të cilët pret votë pozitive.

“Vendet që e kanë njohur Kosovën është e pritshme që të do të votonin pro, por asnjëherë nuk ka siguri të plotë. Nuk guxohet që të startohet një proces dhe të lihet ashtu pa u marrë me të gjatë gjithë kohës”, tha Murtezaj, njofton Klankosova.tv.

Ai, gjithashtu tha se diplomacia e Kosovës nuk do të duhej ta marrë si të mirëqenë anëtarësimin në Këshillin e Evropës, teksa shtoi se nuk dihet për afatin kohor se sa mund të zgjas ky proces.

Lini një Përgjigje

Adresa juaj email s’do të bëhet publike.

Loading…

0

23 vjet nga masakra në Qyshk

Kreu i shërbimit sekret ukrainas: Putin është sëmurë rëndë, ka grusht shteti në Moskë