Instituti Hidrometeorologjik i Kosovës njofton se nga dita e sotme pritet të kemi kushte tjera meteorologjike, vranësira të dendura të përcjella me reshje shiu. Në fushat termike nuk do të ketë ndryshime të mëdha, sidomos në vlerat e maksimaleve, kurse temperaturat minimale parashihen të ulen diku në zero dhe -1 gradë Celsius.
Reshjet e shiut në viset e larta malore mund të shoqërohen me fjolla të borës.
Temperaturat minimale do të lëvizin ndërmjet -1 deri në 4 gradë Celsius, ndërsa maksimalet e ditës parashihen të lëvizin ndërmjet 5-14 gradë Celsius. Do të fryjë erë nga drejtimi i veriperëndimit me shpejtësi 1-8 m/s.
