Dje e kanë ndërprerë punën ndërrimi i dytë dhe i tretë, ndërsa sot nuk do të punojë asnjë ndërrim pa i marrë pagat minatorët e “Trepçës”, thanë këtu.Minatorët e minierës së “Trepçës” në Stantërg kanë ndërprerë punën në këtë minierë për shkak të mosmarrjes së pagave për muajin tetor.
Këtë e ka konfirmuar për gazetën “Epoka e re”, Gani Osmani, kryetar i Sindikatës së Punëtorëve të kësaj miniere.
Sipas tij, që nga dita e djeshme ndërrimi i dytë dhe i tretë nuk kanë punuar dhe se sot kanë vendosur që të tria ndërrimet të hyjnë në grevë.
“E vetmja arsye pse jemi në grevë janë pagat e muajit tetor. Kemi biseduar me menaxherin i cili na ka thënë se për momentin nuk ka mjete. Nuk dimë kur do t’i marrim pagat, por deri atëherë ne nuk do të punojmë”, ka thënë Osmani.
