Kryeministri i Austrisë, Sebastian Kurz, i ka dekoruar me Medaljen e Artë të Meritave dy policët që e eliminuan sulmuesin gjatë sulmit terrorist të së hënës në Vjenë ku mbetën katër të vrarë e rreth njëzet të plagosur. Terroristi Kujtim Fejuzllai ishte shqiptar nga Maqedonia e Veriut me dyshtetësi, por i lindur e i rritur në Austri.
“Me veprimet e tyre të guximshme dhe me përkushtim me jetën e tyre, këta dy zyrtarë policorë e eliminuan vrasësin gjatë sulmit të së hënës, duke e prandaluar më të keqen”, shkroi shefi i Qeverisë austriake në Facebook.
Kryeministri Kurz pas këtij evenimenti njoftoi se medaljet policëve ua ka ndarë të enjten dhe se policët e dekoruar janë pjesëtarë të forcave speciale “WEGA”.
“Dje i falënderova dy zyrtarët e WEGA-s për tërë forcat emergjente dhe i shpërbleva ata me Shenjën e Artë të Meritave të Republikës së Austrisë”, ka shkruar kryeministri Kurz.
