Kroacia Qendrore prapë u dridhe nga twrmeti në orwn 6.15 të mëngjesit. 12 minuta më vonë u përsërit një dridhje me intensitet të ngjashëm. Shërbimi Sizmologjik raporton se tre tërmete ndodhën në atë periudhë kohore – në 6.15 madhësi 4.7, në 6.26 madhësi 4.8, dhe më i dobëti ndodhi në 6.29 ( 3.9). Banorët e Zagrebit, Karlovacit, Sisakut, madje edhe Sllovenisë raportojnë se ishin zgjuar nga një tërmet.- Nuk mund të themi ‘Mirëmëngjesi, nuk jemi mirë. Në orën 6.15 të këtij mëngjesi u goditëm nga tërmeti i tretë, në mos i katërti – më i shkurtër por i fortë. Gjithçka që ende nuk ka rënë, po bie nga rrënojat e Petrinjës. Kjo natë e dytë pa gjumë për Sisak dhe Banija është një presion i madh për të ardhmen dhe ekzistencën. Ne po i përjetojmë të gjitha këto së bashku, tha Darinko Dumboviq, kryetari i Komunës së Petrinjes, në paraqitjen e tij në emisionin Dobro jutro në HRT. Ai shtoi se Kryeministri Andrej Plenković e thirri atë menjëherë pas tërmetit, raporton Jutarni list.Interesante, Dumboviq thirri nga parku, sepse ai nuk ka zyre. Kryeministri i tha atij se do të fliste me zyrtarët dhe institucionet për t’u dhënë njerëzve ujë dhe energji elektrike.Tërmeti në 6.15 ishte me madhësi 4.7 shkallë, më vonë 4.8 me epiqendër në zonën e Petrinja, tha Ines Ivanqiq, kreu i Shërbimit Sizmologjik për Radion Kroate. Ajo konfirmoi se toka do të vazhdonte të dridhej. “Do të, do të tronditet për një kohë të gjatë, tërmeti të martën ishte shkatërrues dhe do të pasohet me nga një seri tërmetesh, ndër të cilat, me siguri, do të ketë edhe më të forta”, tha ajo. Ajo konfirmoi se tërmetet më të dobëta, të tilla si këtë mëngjes, do të kenë një ndikim në objektet në Petrinja dhe Sisak që u dëmtuan në tërmetin të martën. Ajo deklaroi se Petrinja është goditur nga një “sasi e madhe” e tërmeteve të vogla që nga e hëna. Dridhet pothuajse çdo minutë, tha Ivançiç, duke deklaruar se kishte të paktën 25 deri në 30 tërmete më të fortë se 3.Epiqendra e tërmetit të parë në orën 6.15 ishte afër Petrinjës në një thellësi prej 10 kilometrash.Tërmeti u ndje mirë edhe në zonën e Zagrebit dhe thuhet se ky ishte tërmeti i 38-të në këtë zonë në 49 orët e fundit. Një përdorues nga Sisak shkroi në Twitter se nuk ishte aq i tmerrshëm sa tërmeti shkatërrues i djeshëm.
