Masat do të jenë në fuqi nga 24 në 27 dhjetor, nga 31 dhjetor deri në 3 janar dhe nga 5 në 6 janar.
Qeveria italiane njoftoi se vendi po mbyllet për festat e Krishtlindjeve dhe Vitit të Ri, pasi ekspertët paralajmëruan se rreziku i një epidemie të koronavirusit është ende i lartë. Kufizimet që zbatohen për të ashtuquajturat zona të kuqe janë pranuar – izolimi i njerëzve në shtëpinë e tyre, që mund të largohen vetëm kur shkojnë në punë, për arsye shëndetësore dhe në raste urgjente, dhe mbyllja e shumicës së dyqaneve.
Masat do të hyjnë në fuqi nga 24 në 27 dhjetor, nga 31 dhjetor në 3 janar dhe nga 5 dhe 6 janar, tha kryeministri Giuseppe Conte pas një takimi qeveritar.
Masa më të rrepta po futen sepse “ekspertët tanë kanë frikë se kurba e infeksionit mund të rritet ndjeshëm në kohën e Krishtlindjes”, u tha Conte gazetarëve.Masa pak më të buta të “zonës portokalli” në të cilën njerëzit lejohen të lëvizin në qytetet në të cilat ata banojnë dhe dyqanet janë të hapura, përveç bareve dhe restoranteve, do të zbatohen nga 28 deri më 30 dhjetor dhe 4 janar.Conte premtoi gjithashtu një paketë ndihme ekonomike 645 milion euro për bare dhe restorante të prekura nga masat e mbylljes.
