Të paktën 20 njerëz u vranë dhe 30 u plagosën në një sulm vetëvrasës në një restorant në Mogadishu, kryeqyteti i Somalisë, të premten në mbrëmje.
Shpërthimi ndodhi në restorantin Luul Yemeni pranë portit, thanë dëshmitarët okularë, siç raportojhet nga media.
“Deri më tani, ne kemi tërhequr 20 të vdekur dhe 30 të plagosur nga vendi i shpërthimit,” tha Dr. Abdulkadir Aden i Shërbimit të Ambulancës AAMIN.Një makinë me shpejtësi të plotë shpërtheu afër restorantit Luul Yemeni”, tha një banor që jeton afër.
Radio shtetërore somaleze Radio Mogadishu njoftoi se dëmi material ishte shkaktuar dhe se policia kishte mbyllur zonën.
Grupi islamik al-Shabaab mori përgjegjësinë për sulmin përmes radios së tij Andalus.
Al Shabaab shpesh kryen sulme të këtij lloji në Somali dhe gjetkë në një fushatë për të përmbysur qeverinë në atë vend të Bririt të Afrikës, në një përpjekje për të krijuar një shtet Islamik që do të drejtohet nga ligji i Sheriatit.
Më herët të premten, militantët sulmuan një burg në qytetin port të Bosas në provincën gjysmë-autonome të Puntland dhe vranë të paktën tetë roje.
Disa të burgosur arritën të shpëtonin, dhe mes tyre terroristë, njoftoi policia, raporton agjencia gjermane dpa.
Al-Shabaab gjithashtu mori përgjegjësinë për sulmin, duke pretenduar se 400 të burgosur ishin liruar.
