Prokuroria Themelore e Prishtinës, Departamenti i Përgjithshëm, pas sulmit të mbrëmshëm nga persona ende të paidentifikuar, dhe shkaktimit të plagëve të rënda ndaj gazetarit Visar Duriqi, njofton opinionin lidhur me incidentin ndaj gazetarit dhe se me urdhër të Prokurorit të Shtetit, është iniciuar rast në drejtim të veprës penale “Lëndimi i rëndë trupor”, nga neni 186 të Kodit Penal të Republikës së Kosovës.Prokurori i Shtetit, ka autorizuar Policinë e Kosovës për ndërmarrjen e të gjitha veprimeve të nevojshme hetimore, me qëllim të sqarimit të rastit dhe zbulimit të kryerësve të kësaj vepre penale.
