Kryetari i PDK-së, njëherësh edhe kandidat për kryeministër nga kjo parti, Enver Hoxhaj, pas vendosjes së marrëdhënieve diplomatike ndërmjet Kosovës dhe Izraelit, nëpërmjet një postimi në rrjetin social Twitter, shpreh mirënjohjen për Departamentin e Shtetit të ShBA-së për këtë moment të rëndësishëm historik.
“E mirëpres vendosjen e marrëdhënieve diplomatike në mes të Kosovës dhe Izraelit. Mirënjohës për udhëheqjen e Departamentit të Shtetit për këtë moment historik të rëndësishëm. Ishte një udhëtim i gjatë deri më sot dhe vlerësoj mbështetjen e miqve tanë në Amerikë dhe Izrael për pavarësinë e Kosovës.”, ka shkruar Hoxhaj.
