Kryeministri i Kosovës, Avdullah Hoti ka thënë se po bëjnë të pamundurën për zgjidhjen e fatit të personave të zhdukur gjatë luftës në Kosovë.
Ai pas raportimit në Komisionin për të Drejtat e Njeriut, Barazi Gjinore, për Persona të Pagjetur dhe Peticione, tha se çështja e të zhdukurve është shumë e ndjeshme.
“I gjithë ekipi është duke punuar për çështjen e personave të pagjetur. I informuam në detaje me të gjitha aktivitetet që Qeveria i ka ndërmarrë nga dita e parë”.
“Kemi kërkuar ne vetë që mbledhja e komisionit të mbahet me dyer të mbyllura për shkak të ndjeshmërisë dhe informatave në dispozicion”, shkruan GazetaBlic.
“Kjo është çështja më e ndjeshme në Kosovë dhe në po bëjmë të pamundurën që personat që ende nuk janë gjetur të ndërmerren të gjitha aktivitetet derisa edhe personi i fundit të identifikohet”, tha Hoti.
