in

Gjykatën Speciale, nuk na e bëri Lulëzim Basha , Sali Berisha…por Kuvendi i Kosovës

Nëse s’do ta bënte Kosova do të vendoste Këshilli i Sigurimit i OKB. Shqipëria nuk ka dorë dhe as hile në këtë vendim dhe as në proceset gjyqësore që u zhvilluan pas lufte.

Pas sulmeve egërshane kundër Lulëzim Bashës nga mediet e afërta me Partinë Socialiste dhe nga kreu i shtetit shqiptar, kryetari i Lidhjes Demokratike të Kosovës, Isa Mustafa i doli në mbrojtje të parit të Partisë Demokratike të Shqipërisë me një shkrim të veçantë në profilin e tij në facebook.

“Shqipëria i doli në krah Kosovës në kohët më të vështira në rrugën e saj të çlirimit dhe shtetndërtimit, si gjatë qeverisjes së demokratëve ashtu edhe të socialistëve. Nëntë vite kam qenë në ekzil, nga viti 1990 deri më 1999, dhe e kam përjetuar Shqipërinë si shtëpinë time, shtetin tim.

E ndjej shumë rëndë që në vitin 2020 të “zbulojmë” se dikush nga Shqipëria pas çlirimit paska qenë kundër UÇK-së. Konstruktime të tilla të pavërteta, nuk iu ndihmojnë pjesëtarëve të UÇK-së që tani janë në Hagë. Nuk i bëjnë mirë të vërtetës. I bëjnë keq harmonisë dhe solidaritetit shqiptar në Shqipëri dhe në Kosovë, që na nevojitet më shumë se çdoherë më parë.

Gjykatën Speciale, nuk na e bëri Lulëzim Basha , Sali Berisha, ….por për të vendosi Kuvendi i Kosovës. Nëse s’do ta bënte Kosova do të vendoste Këshilli i Sigurimit i OKB. Shqipëria nuk ka dorë dhe as hile në këtë vendim dhe as në proceset gjyqësore që u zhvilluan pas lufte.

Për ne duhet të ketë qenë nder prezenca e shqiptarëve nga Shqipëria në misionin e UNMIK-ut, sikurse edhe e kosovarëve. Ka qenë ndihmë specifike.

Baltosja e njerëzve pa asnjë arsye të shëndoshë dhe pa argumente nuk është rrugë dhe mënyrë e mbrojtjes së vlerave të UÇK-së, të vlerave të shtetit tonë dhe të shtetit shqiptar. Duhet të pushojnë sulmet e tilla, sepse po na dëmtojnë”, shkruan Isa Mustafa, kryetar i LDK-së.

Lini një Përgjigje

Në Maqedoninë e Veriut 31 viktima nga COVID-19 e 977 persona të infektuar

Prit me javë e prit me muaj për t’u operuar në QKUK