Shefi i Grupit Parlamentar të Lidhjes Demokratike të Kosovës, Arben Gashi, ka thënë se nuk e kuptojnë arsyen e thirrjes së seancës, të cilën Lëvizja Vetëvendosje po e quan “seancë për zgjedhjen e Qeverisë Kurti 2”.
Gashi ka thënë se kanë dyshime edhe lidhur me vendimin e lëshuar nga ushtruesi i detyrës së presidentit, Glauk Konjufca për ta dekretuar Albin Kurtin si mandatar për formimin e Qeverisë,
“Qendirmin [e LDK-së në këtë seancë] do ta shihni pas pak, megjithëse ne nuk kemi ndonjë material se për çfarë është thirrur kjo seancë. Kemi dyshime lidhur me dekretin i cili është lëshuar. Personi i cili është dekretuar është me precedent penal”, tha Gashi.
Ai shtoi se “nuk do ta votojmë Qeverinë Kurti”, ndërsa nuk pranoi të flasë tash lidhur me çështjen e zgjedhjes së presidentit të ri.
