Mjekët përshëndetën historinë e jashtëzakonshme të një surfer Australian që mbijetoi një sulm peshkaqeni, notoi në bregun e tij dhe eci 300 metra duke kërkuar ndihmëm shkruan The Guardian. Surferi Michael Rushby tha se burri kishte dëmtime të rënda në shpinë, vithe dhe këmbë, të shkaktuara nga kafshimi i peshkaqenit. 29-vjeçari u sulmua nga një peshkaqen, ndërsa po surfonte në ishullin Kangaroo.Ai së pari u ndihmua nga një ndihmës mjek i cili shkoi në plazh me makinën e tij, pastaj u ndihmua nga Rushby dhe u transferua në Qendrën Mjekësore Flinders.- Ne e stabilizuam atë përgjatë rrugës, i fashuam plagët dhe i dhamë diçka për dhimbje. I riu pësoi plagë të rënda në shpinë dhe kofshë, tha Rushby. – Isha ulur në dërrasë kur ndjeva një goditje nga ana e majtë. Ishte sikur u përplasa me kamion. Ai më kafshoi shpinën, prapanicën dhe bërrylin, dhe më pas më grisi një pjesë të dërrasës sime. E pashë që ishte një peshkaqen dhe më pas u zhduk, shkroi i riu i cili më pas arriti disi të notonte në breg.- Ai arriti të notonte në breg. Pastaj eci edhe 300 metra të parkingu ku u ndihmua nga kalimtarët. Kjo është me të vërtetë e mahnitshme, duke pasur parasysh ashpërsinë e dëmtimeve të tij, shtoi Rushby.- Ai na foli gjatë gjithë kohës. Ai ishte mirë.Burri i sulmuar tha nga spitali se ishte tepër i lumtur dhe besonte se do të shërohej plotësisht, raporton The Guardian.
