Një video është bërë virale, ku dyshohet se një ari është parë natën e mbrëmshme në afërsi të parkut “Karagaç” në Pejë dhe e njejta është ndarë në rrjetet sociale, duke ngritur shumë pikëpyetje të qytetarët.
Videoja është publikuar nga ‘Gazeta Sinjali’.
Lidhur me rastin, ‘RADIO 1’ ka kontaktuar me toger Fadil Gashin – Zëdhënës i Policisë Rajonale të Pejës, i cila ka thënë, se për rastin dhe dyshimet, deri më tash nuk është raportuar diçka e tillë as nga ana e qytetarëve të mundshëm të rastit e as nga ata që e kanë nxjerrë videon virale.
“Në rrugë zyrtare nuk kemi asgjë derisa po flasim. Nuk është raportuar diçka e tillë as nga ana e qytetarëve të mundshëm të rastit e as nga ata që e kanë nxjerrë videon virale. Normalisht që do fillohet me analizën e informacionit. Më tepër në këtë fazë nuk mund të flas asgjë.”-tha toger Gashi për ‘RADIO 1’/Njeshi/
