Në tubimin e djeshëm të qytetarëve në Deçan, ku morën pjesë bashkëmendimtarë nga trevat dhe qytetet e Kosovës, me çrast u deklaruan mbi ekstremizmin dhe dëmin që shkaktojnë, sidomos segmente te ndryshme te fesë islame dhe ortodoksizmi serb.
Deklarimi unanim ishte se nga sot e tutje NUK JEMI MYSLIMANË.
Këto prononcime ishin njëzëri nga ky grup rreth 70 vetë . Fillimisht ishte deklarim me emra personal. Kishte ide se feja e shqiptarit është shqiptaria, se jemi ilirë etj. Pati mesazhe përkrahëse nga diaspora dhe vullnet për ta përkrahur nismën për të kaluar në katolicizëm, në rrënjët e tyre të hershme, respektivisht në identitetin dhe kulturën evropiane. U bë apel që orijentimet të jenë personale, të ketë vetiniciativë demokratike dhe të ruhet me mençuri nisma.
Disa nga qytetarët që braktisën fenë islame në këtë tubim thanë se arsyeja kryesorë është kombi.
“Nuk jemi më në këtë drejtim. Krijohet një lëvizje që atakon ata që luftojnë vlerat antikombëtare”, tha një qytetar.
