Kryetarja e KQZ-së, Valdete Daka, ka thënë se do ta zbatojë në përpikëri vendimin e Gjykatës Kushtetuese sa u përket kandidatëve të përfshirë në listat zgjedhore që kanë pasur dënim në tri vitet e fundit.
Daka tha se listat e kandidatëve do të dërgohen në Këshillin Gjyqësor për verifikim dhe se bashkëpunimi me këtë institucion do të vazhdojë edhe në këto zgjedhje.
Rastin e Albin Kurtit nëse do të mund të kandidojë apo jo për deputet, Daka s’ka dashur ta komentojë, por ajo thotë se do të zbatojnë në përpikëri çfarëdo vendimi që u vjen nga Kushtetuesja.
