Gani Mehmetaj
Përvjetori pikëllimtar-75 vjetori i çlirimit të ish-kryeqytetit të shqiptarëve.
Dje ishte 75- vjetori i çlirimit të Shkupit. Askush nuk e shënoi, askush nuk e kujtoi. Një prononcim në Tv21 dhe heshtje. Dje 75 vjet më parë trupat shqiptare-ballistë e vullnetarë e çliruan Shkupin nga okupatori bullgarë.
Ishte ngjarje e veçantë dhe e jashtëzakonshme, e dyta herë në këtë shekull kur Shkupin e çliruan shqiptarët. Herën e parë me 1912 trupat shqiptare e çliruan Shkupin dhe e dëbuan nga kryeqyteti i shqiptarëve ushtrinë turke pas 500 vjet okupimi. Por për shkak të mosmarrëveshjes dhe një varg faktorësh tjerë, apo tradhtisë, forcat shqiptare u tërhoqën që “të mos shkaktohej gjakderdhje”, thonë disa historianë, ndërsa trupat e Isa Boletinit e lanë Shkupin pa mbrojtje.
Ndërkohë trupat e perandorisë turke që luftuan egërsisht kundër ushtrisë shqiptare të Isa Boletinit e Bajram Currit, ia dorëzuan Shkupin paqësisht, me solemnitet e parada ushtarake pushtuesve serbë, që marshuan duke shkelur mbi gjysmë milion kufomash shqiptare.
Dhe hera e dytë para 75 vjetësh. Prapë Shkupin ua morën sllavët, ndërsa pjesën tjetër të territoreve shqiptare, partizanët e Enver Hoxhës me tradhti ua dorëzuan partizanëve jugosllavë.
Pastaj Shkupin e gjymtuan, elitën e vranë dhe u dëbuan në Turqi, popullatën e shpërngulën në të katër anët e botës. Sollën sllavë të Egjeu…
