Është dënuar me burgim të përjetshëm Nuhi Mavrovqani për vrasjen e gruas së tij në fshatin Berivojc të Kamenicës, njofton Klan Kosova.
Ky aktgjykim u shpall në Gjykatën Themelore të Gjilanit.
Ai më 25 korrik të këtij viti kishte vrarë gruan e tij më një shufër metalike.
Mavrovqani e kishte pranuar pjesërisht fajësinë për vrasjen e gruas së tij në seancat e kaluara gjyqësore.
Kolegji i gjyqtarëve nuk ka gjetur ndonjë rrethanë lehtësuese për të akuzuarin, por të gjitha rrethanat kanë qenë rënduese, duke marrë parasysh prezencën e fëmijëve në ditën kritike, gjendja e të ndjerës dhe fëmija i porsalindur (një muajsh), kanë dhënë arsye që dënimi të jetë kapital.
Palët kanë të drejtën e ankesës ndaj këtij vendimi në Gjykatën e Apelit.
