Ka kohë që banorët në Bresje të Fushë–Kosovës përballen me problem të vazhdueshëm, ku ujërat e zeza dalin mbi sipërfaqe, ndërkohë që gjatë këtyre ditëve shiu ka rënduar edhe më shumë situatën.
Uji i kanalizimit dhe shiut ka vërshuar tërë rrugën.
Këtë e bën të ditur PDK përmes një komunikate për media.
Ndërtesa ku ka shpërthim të kanalizimit dhe grumbullim të ujit nga shiu, e ndanë vetëm rruga nga objekti i komunës, por zyrtarëve të korruptuar, nuk iu pengon kjo gjë. Kjo situatë po u shkakton telashe edhe bizneve në atë pjesë.
Gjatë verës era bëhet e padurueshme, kurse gjatë kohës me shi dhe borë uji e merr krejt sipërfaqen e rrugës, thuhet tutje në njoftim.
“Ankesat e banorëve në drejtim të komunës së Fushë-Kosovës, nuk janë marrë parasysh asnjëherë”, lexon njoftimi.
PDK kërkon nga Komuna e Fushë-Kosovës që të veprojë urgjentisht për të sanuar situatën.
Ndërkohë që nga mbrëmë në vendin tonë kanë nisur reshje të shiut pa pushim.
Instituti Hidrometeorologjik kishte paralajmëruar për mundësinë e vërshimeve në rajonin e Dukagjinit./arbresh.info/
