Një plagosje ka ndodhur në autostradën Lezhë-Milot, pasditen e sotme, rreth orës 17:20 minuta, pranë një lokali ku janë dëgjuar të shtëna. I plagosur ka mbetur Aleksandër Deda, 42 vjeç, që është biznesmen në Lezhë. Policia ka nisur hetimet për zbardhjen e ngjarjes, ndërkohë që nuk dihen motivet e krimit. I plagosuri është nisur në spitalin e Traumës në Tiranë.
Burime nga grupi hetimor bëjnë me dije se dyshohet për një atentat ndaj 42-vjeçarit. Ndërkohë policia është vënë në ndjekje të autorëve dhe rreth 5 km nga vendi ku ndodhi plagosja ka gjetur një automjet tip “Audi” duke u djegur. Brenda automjetit është gjetur edhe një armë zjarri, që dyshohet të jetë arma e krimit. E gjithë policia është përqendruar pranë automjetit të djegur, të cilit sipas burimeve i ishin hequr targat para se t’i vihej flaka.
