Aktori i njohur shqiptar Andon Qesari është ndarë sot nga jeta në moshën 78-vjeçare, pas një sëmundje të gjatë, e cila e kishte rënduar shumë në vitin e fundit.
Edon Qesari, i biri, njoftoi lajmin e hidhur ne nje postim ne rrjetet sociale.
Postimi i Edonit:
Të dashur miq e të njohur,
Sot në mëngjes, pas një sëmundje të gjatë, e cila e kishte rënduar dhe sfilitur shumë në vitin e fundit, i dashuri babai im ANDON QESARI u nda nga jeta në moshën 78-vjeçare.
Dashuria e Tij e pamat për ne, familjarët dhe njerëzit e tij të afërt, përpjekjet për të na dhënë një jetë me dinjitet dhe begati, pasioni i vyer artistik që e shoqëroi gjatë gjithë jetës dhe shënoi një karrierë të paharrueshme në teatrin shqiptar dhe studimin e artit, humori i hollë që e spikaste, janë trashëgimi më i çmuar që na la.
Të dua Ba’ dhe mirupafshim në një jetë më të mirë…
/DRONI.al/
