Gani Mehmetaj
Gjin Morina, i kthyer në fenë e të parëve, të krishterë, u arrestuar, sepse në një poezi e ftoi Enver Hoxhën të zgjohej nga varri dhe t’i bënte xhamitë kisha, ashtu si kishin qenë para ardhjes së Perandorisë turke.
Policia e Kosovës ka arrestuar Gjin Morinën me vendbanim në Austri për shkrimin e një poezie. Në komunikatën e policisë thuhet se një person është arrestuar dje rreth orës 11:50 në Gjakovë pasi që dyshohet se në librin e tij ka elemente të nxitjes e përçarjes dhe mosdurimit.
Njësitë përkatëse policore për procedura të mëtutjeshme hetimore kanë sekuestruar disa libra. Në lidhje me rastin është konsultuar prokurori i shtetit me vendim të të cilit i dyshuari pas intervistimit është dërguar në mbajtje.
Gjin Morian nga Austria është kthyer në fenë e krishterë, fenë e të parëve të tij. Ai në një poezi bënë ftesë që xhamitë të kthehen në kisha, të kundërten e asaj që kanë bërë turqit, kur kishat tona i bënë xhami.
Komuniteti i krishterë shqiptarë dyshon se ndaj besimtarit Gjini është zbatuar drejtësia e talibanëve, sepse për poezi vetëm në Avganistan e Pakistan mund të dënohen.
A e zbatoi prokurori dhe policia ligjin e talebanëve në arrestimin dhe mbajtjen në burg të Gjin Morinës? Pse nuk u dënua asnjë mysliman për nxitje, përçarje e mosdurim fetar, ndërsa kanë bërë aq shumë shkelje? Ç’është ky diskriminim i të krishterëve. Jemi shtet islamik a laik? Ku jetojmë ne?
Dhjetëra hoxhë kanë nxit urrejtje fetare, kanë himizuar sulltanë që i kishin duart me gjakun e shqiptarëve, por nuk i kanë dënuar, as nuk e kanë ndaluar veprimtarainë rrënimtare. Hoxha përçares e antishqiptar, Shefqet Krasniqii, i thotë në transmetim televiziv prindit të një vajze, më mirë te të kishte vdek vajza se që është martuar me katolik. Ai kështu e nxit babanë që të vras vajzën. Rasti i Karaçevës është skandaloz. Por policia e prokuroria nuk e dënojnë sese e ka mbrojtjen e BIK-ut.
