Arizona ka 11 vota elektorale, dhe me këto të këtij shteti, Biden ka gjithsej 290 vota.
Joe Biden ka fituar zgjedhjet presidenciale në shtetin e Arizonës, raportuan mediet amerikane më 12 nëntor.
NBC, CBS, ABC, dhe CNN e shpallën fitues Bidenin në këtë shtet, i cili ka 11 vota elektorale, pas pothuajse një javë që kur u mbajtën zgjedhjet presidenciale më 3 nëntor.
Me fitoren në Arizona, Biden ka 290 vota elektorale, ndërkaq presidenti amerikan, Donald Trump 217.
Sipas rregullave në SHBA, që një kandidat të zgjidhet president, i duhen 270 vota elektorale.
