Vlora Çitaku e ka përfunduar zyrtarisht mandatin si Ambasadore e Kosovës në Shtetet e Bashkuara të Amerikës (SHBA).
Këtë e ka konfirmuar Ministria e Punëve të Jashtme të Kosovës.
“Ambasadorja e Republikës së Kosovës në Washington DC, Vlora Çitaku, ka përfunduar me sukses mandatin e saj. Ministria e Punëve të Jashtme dhe Diasporës e Republikës së Kosovës dëshiron t’i shpreh falënderimet më të sinqerta për përfaqësimin e jashtëzakonshëm të Kosovës në Shtetet e Bashkuara të Amerikës. Suksese dhe mbarësi në angazhimet e radhës Ambasadore Çitaku”, shkruhet në njoftimin e ministrisë.
Çitaku, përmes një postimi në Facebook, ka thënë se ishte nder për të që të shërbente si Ambasadore e Kosovës në SHBA.
“Faleminderit nga zemra! Të shërbej si Ambasadore e Kosovës në SHBA ka qenë nderi i jetës sime”, ka shkruar Çitaku.
